हटातटाने बटा रंगवून जटा धरीशी का शिरी
मठाची उठाठेव का तरी?
वनात अथवा जनात हो का मनात व्हावे बरी
हरीचे नाव भवांबुधी तरी
काय गळ्यात घालुन तुळशीची लाकडे
ही काय भवाला दुर करतील माकडे
बाहेर मिरवीशी आत हरीशी वाकडे
अशा भक्तीच्या रसा रहीत तु कसा म्हणविशी बुधा
हरीरस सांडुन घेसी दुधा
भला जन्म गा तुला लाधला
खुलास ह्रदयी बुधा धरीसी तरी हरीचा सेवक सुधा
शिळा टोपीवर शिळा पडो या बिळात करीशी जप
तथापि न होय हरीची कृपा
दर्भ मुष्टी ज्या गर्भी धरूनी निर्भर पशुची वपा
जाळीशी तिळा तांदुळा तुपा
दंड कमंडलु बंड माजवीसी मुंड मुंडिशी तपा
न सार्थक लटक्या सार्या गपा
ही बार बार तलवार येईल काय पुन्हा?
या दुर्लभ नरदेहात ठेवीसी कुणा?
भगवंत भुकेला भक्तीचा पाहुणा
वर्म कळेना धर्म घडेना कर्म चित्त ना द्विधा
सदा हरी कविरायावर फिदा
हटातटाने बटा रंगवून जटा धरीशी का शिरी
मठाची उठाठेव का तरी?
रामजोशी या चित्रपटातील हे शाहिरी काव्य. रामजोशी हा चित्रपट विक्रमी ठरला होता. या चित्रपटानेच ग.दि.मां.च्या पटकथा लेखनाची सुरुवात झाली.
नितांत सुंदर असणार्या रामजोशी या चित्रपटातील हे शाहिरी काव्य इथे पाहा.
कोणत्याही टिप्पण्या नाहीत:
टिप्पणी पोस्ट करा